عشان لسة الأماني..كتيير ..!

عشان لسه الامانى كتير

ساعات نضحك

ساعات نبكى
ساعات نركب بساط ونطير

ندور ع اللى راح يمكن

يكون طاير ف وسط الطير

ونرجع من هناك واحنا

جروح زادت على جروحنا

لكن ف القلب حلم عنيد

بيدفعنا نكمل سير

ومهما بعدت المسافات

ومهما كترت المشاوير

هيفضل حلمنا عايش

ندوس ع المستحيل مره

ونتعايش مع مُره

ومهما الحيره تصحبنا

هنرسم بالامل فكره

تجمّعنا

ولا ننظر لشىء ممكن

يتوهنا

وعن اجمل امل فينا

يضيعنا
......
محمد سعيد
.....